2013 – ECOAR)))

Decembro: Feminismos

contradiscurso — Fri, 21 Feb 2014 17:06:22 +0000

Que é o feminismo? O feminismo é un movemento social, cultural e político que loita contra as inxustizas orixinadas polo machismo e o patriarcado e busca a igualdade entre as persoas independentemente do seu sexo e o seu xénero. Así pois, o feminismo procura rematar e superar todos aqueles aspectos da nosa sociedade nas que as persoas (independientemente do seu sexo e xénero) son agredidas, explotadas, invisibilizadas, minusvaloradas, sometidas e/ou impedidas pola ideoloxía e comportamentos machistas e o sistema patriarcal. A que se opón o feminismo? – Machismo: é a ideoloxía que defende a superioridade e prepotencia de certo tipo de “valores masculinos” e de varóns heterosexuais sobre o resto da sociedade. As persoas machistas defenden que os “homes de verdade” teñen unha serie de características e valores superiores (maior forza físca, apetito sexual, intelixencia, carisma, racionalidade, valentía,independencia…) que lles dan dereito a decidir e manexar no seu beneficio a vida social, económica, cultural, sexual, afectiva, e mesmo a integridade física de mulleres, varóns homosexuais, ou calquera que non comulgue co seu pensamento e prácticas. – Hembrismo: é a ideoloxía que defende a superioridade da muller sobre o home. O hembrismo invirte os roles establecidos no machismo, pondo a muller […]

The post Decembro: Feminismos appeared first on ECOAR))).

Novembro: Dereitos Humanos

contradiscurso — Thu, 14 Nov 2013 09:33:40 +0000

Que son os dereitos humanos? Os dereitos humanos son unha convención social que proclama a dignidade de tódalas persoas en base a unha única razón, a súa condición humana. Así, de forma xurídica, defínese a relación de cada individuo e colectivos coa sociedade universal á que pertencemos. Os dereitos humanos procuran fixar uns criterios fundamentais e universais que aseguren a dignidade, liberdade e realización de todas as persoas por riba de condicionantes particulares (orixe, relixión, sexo, raza, cultura, opinión política, posición económica,…) Como se enuncian os dereitos humanos? A enunciación dos dereitos humanos é algo relativamente recente, que aínda non está asumido universalmente. A existencia duns dereitos para todas as persoas, aparece unha vez a concepción humanista da realidade desterrou á relixiosa. Inicialmente, este “humanismo” só abranguía a unha minoría (quedaban fóra as mulleres, as razas e pobos considerados “inferiores”, as persoas cunha sexualidade que non fora a heterosexual,…) Primeiramente os “dereitos humanos” (ou naturais) tan só eran un concepto filosófico que servía de “fonte de dereito” para os diferentes estados occidentais. Posteriormente (finais do século XIX) comezou a haber acordos internacionais polos cales se estipularon algúns dereitos comúns a xentes de diversa nacionalidade. O primeiro caso significativo foron as […]

The post Novembro: Dereitos Humanos appeared first on ECOAR))).

Outubro: Manipulación informativa

contradiscurso — Thu, 24 Oct 2013 14:17:25 +0000

Situación actual Hoxe en día, a forma en que as persoas forman o seu pensamento político é a través dos medios audiovisuais, máis que por calquera outro canle. Os medios de comunicación, polo tanto, son unha ferramenta de primeiro orde para a confrontación ideolóxica. Se ven ata finais do século XX foron prensa, radio, cine e televisión os mass media que dominaban a comunicación, agora mesmo deberemos entender que son principalmente os medios audiovisuais, aos que hai que engadir as redes sociais (youtube, Facebook, Twitter, etc) á televisión e o cine. O discurso dominante é xerado a partir deses medios, uns medios de comunicación e de creación audiovisual que son controlados por grandes corporacións que os poñen ao servizo dos seus propios intereses. Desta maneira, a clase dominante crea un consenso ideolóxico, o que poderíamos entender por un sentido común compartido, a partir do seu control case absoluto das ferramentas de creación de discurso. Noutros momento históricos, se ben a ideoloxía da clase dominante seguía a ser a ideoloxía dominante, esta introducíase no resto da poboación por outros medios de control, como os sermóns e a imaxinaría das fachadas nas igrexas. Agora, o control dos principais medios de comunicación rempraza […]

The post Outubro: Manipulación informativa appeared first on ECOAR))).

Setembro: Que é a educación?

contradiscurso — Sat, 21 Sep 2013 15:39:52 +0000

Que é a Educación? A educación é o feito plural a través do cal se transmiten coñecementos, valores e costumes, a partir de accións e actitudes que existen nunha sociedade e cultura determinadas. Cales son as cifras globais da educación no planeta (segundo a UNESCO)? –61 millóns de nenxs en idade escolar non asisten á escola. –Masificación das aulas: Por exemplo en República Centroafricana hai 1 mestrx por cada 84 alumnxs e en Malawi 1 por cada 79 alumnxs. –Falla de medios: hai rexións do mundo, como na Provincia Nororiental de Kenia que só o 8% do alumnado dispón de libros de texto. -Son moi numerosos os países nos que os docentes teñen que completar o seu salario con outro traballo. -En 2012 existen 775 millóns de persoas analfabetas. Case dous terzos son mulleres. A maioría concéntrase en Asia e África. –No mundo fan falla 6,8 millóns de docentes. -O 38% dxs nenxs africanxs e o 47% dxs de Asia Meridional están moderada ou gravemente desnutridxs (en África morreron 3,8 millóns de nenxs antes de cumprir os 5 anos), o que afecta ao seu desenvolvemento do cerebro e altera a estrutura cerebral. Cales son os problemas do Sistema Educativo en […]

The post Setembro: Que é a educación? appeared first on ECOAR))).

Xullo: O monte galego

contradiscurso — Mon, 29 Jul 2013 15:51:13 +0000

O monte galego Que é o monte? O monte é aquel espazo “sen cultivar” que non é o urbano e esta ocupado por vexetación. Dependendo do tipo de vexetación predominante diferénciase entre “bosque/monte alto” (árbores), “monte baixo/ralo” (arbustos e herbas). O monte en xeral, e o bosque en particular, é un dos ecosistemas máis importantes da terra. Está conformado por unha gran diversidade de especies animais e vexetais; é regulador do clima, a atmosfera e a hidrosfera, ademáis de ser un importante soporte da vida humana. “Sen cultivar” non significa necesariamente salvaxe, existe un monte natural e un monte tranformado polos humanos. Existen moitas formas de aproveitamento humano do monte, accións máis ou menos intensivas e modificadoras da natureza, das se que tiran proveito económico e social; así do monte pode tirarse madeira, froitos, combustibles, caza, fertilizantes,…, asi como ser un espazo de lecer, deporte, estudio,… O monte en Galicia. Pola súa xeografia e historia Galicia é terra de montes. Orixinariamente, o monte natural, maiormente bosque, ocupaba a práctica totalidade do territorio galego. Ao longo da historia, paulatinamente, os montes galegos foron transformados en campos de cultivo e hábitats urbáns e nun monte “humanizado”. Na actualidade considérase que Galicia é […]

The post Xullo: O monte galego appeared first on ECOAR))).

Xuño: a industria agroalimentaria

contradiscurso — Tue, 21 May 2013 14:56:49 +0000

Industria encargada da elaboración, transformación, preparación, conservación e envasado dos alimentos de consumo humano e animal. CALES SON AS CIFRAS GLOBAIS ACTUAIS SOBRE A PRODUCIÓN DE ALIMENTOS? Dende os anos 60, coa chamada Revolución Verde, a produción de alimentos multiplicouse por tres, mentres que a poboación mundial duplicouse. Segundo este patrón de crecemento da produción de comida por un lado e persoas por outro, suporiamos que a fame no mundo debería de ter sido superada fai tempo. E o certo é que, neste momento, producimos alimento para 12 mil millóns de persoas; pero mil millóns, dos 7 mil que habitan o planeta, pasan fame. POR QUE SE PRODUCE A FAME? A pesar do que podemos ver, ler e escoitar nos medios de comunicación de masas, a fame sistémica non é o resultado de desgraciados e incontrolados fenómenos meteorolóxicos, guerras ou un problema de carácter xeográfico inherente a territorios concretos. A condena á fame de mil millóns de persoas ten que ver, directamente, coa taxa de beneficio do gran capital e as políticas que os estados e as institucións do capitalismo global desenvolven para protexela. A xente pasa fame, morre de fame, por razóns políticas. • As políticas agrícolas da UE […]

The post Xuño: a industria agroalimentaria appeared first on ECOAR))).

Maio: O consumo

contradiscurso — Thu, 02 May 2013 15:28:48 +0000

QUE É O CONSUMO? Acción ou efecto de empregar os bens e servizos para satisfacer necesidades primarias e secundarias. En termos económicos enténdese por consumo a etapa final do proceso económico, xa que é o momento no que un ben ou servizo produce algunha utilidade a quen consume. QUE É O CONSUMISMO? Podemos definilo como: a) Acugulamento, compra ou consumo de bens e servizos considerados non esenciais. b) Sistema político e económico que promove a adquisición competitiva de riqueza como signo de estatus e prestixio dentro dun grupo social. c) Adquisición ou compra desaforada que idealiza os efectos e consecuencias asociando a súa práctica coa obtención da satisfacción persoal e incluso a felicidade persoal. CALES SON AS BASES DA SOCIEDADE DE CONSUMO… A sociedade de consumo de masas é produto do capitalismo que trata de facer chegar os seus produtos a unha parte da poboación o máis ampla posible. Para a maioría dos bens, a oferta supera a demanda. As empresas recorren a estratexias de publicidade agresivas e sedutoras que se transmiten a través dos medios de comunicación de masas para inducir aos/ás consumidorxs a consumir, o que lles permite aumentar a produción. A maioría dos produtos e […]

The post Maio: O consumo appeared first on ECOAR))).

Abril: Que é o diñeiro.

contradiscurso — Sun, 21 Apr 2013 14:38:33 +0000

Que é o diñeiro? O diñeiro é un símbolo que un conxunto de persoas adoptan como elemento clave dun sistema de intercambio de bens e servizos. É dicir trátase dunha convención social, pola cal a un obxecto se lle asigna un valor determinado que sirve de referencia para todas aquelas cousas que esa sociedade considera intercambiables (unha barra de pan, un traballo, un portavións, a vida dunha persoa, unha pena xudicial,…) Para que o diñeiro cumpla a función de obxecto de intercambio: debe ser contable (debe ter unidades equivalentes entre si) “preferentemente” debe ser acumulable e continuo (perdurar no tempo, nin caducar, nin ser estacional). Ao longo da historia houbo diferentes formas de diñeiro, que incluso podian convivir e combinarse entre sí: así, dende a idade do bronce e ata 1971 en occidente e no extremo oriente adoptaramos os metais (cobre, prata, ouro), mentres que na micronesia prehistórica o foron as cunchas, ou na desesperación das trincheiras da I GM o foron os paquetes de tabaco. Por que existe o diñeiro? En diversas partes do mundo o diñeiro permitiu desenrolar o comercio máis aló das limitacións do troco (directo, instantáneo e presencial). O diñeiro existe para dinamizar e exterder […]

The post Abril: Que é o diñeiro. appeared first on ECOAR))).

Marzo: Infraestructuras públicas

contradiscurso — Sat, 02 Mar 2013 16:35:33 +0000

QUE SON AS GRANDES INFRAESTRUTURAS PÚBLICAS? Son aqueles instalacións e servizos de base que se precisan para desenvolver e vertebrar as actividades e servizos dun territorio, así como o territorio mesmo. O capital privado non sempre tivo capacidade absoluta para facerse cargo de tódolos eidos da vida económica. Nalgúns sectores que precisaban fortes inversións ou que, pasadas unhas inversións iniciais, novas necesidades esixían montantes de cartos que escapaban á súa capacidade ou non prevían os beneficios suficientes, foron os gobernos dos diferentes estados quen cos seus propios recursos públicos acometeron as inversións. Desta forma apareceron empresas públicas que monopolizaban o transporte ferroviario ou aéreo, as telecomunicacións ou o subministro eléctrico. Estas infraestruturas pasaron a formar parte do patrimonio colectivo, ate que o matrimonio Thatcher-Reagan abriu a porta ao fenómeno privatizador no mundo capitalista. Así pois, progresivamente, os diferentes gobernos foron poñendo en mans privadas os valiosos bens que foran construídos co esforzo de todos. PROCESOS E PORQUÉS DA PRIVATIZACIÓN ACTUAL DAS INFRAESTRUTURAS PÚBLICAS: TELECOMUNICACIÓNS As razóns esgrimidas para a privatización das telecomunicacións xiraban en torno á competencia e eficacia. Para baixar ao concreto, no Estado Español temos o caso de Telefónica. A empresa, creada en 1924 e nacionalizada dende 1945 […]

The post Marzo: Infraestructuras públicas appeared first on ECOAR))).

Febreiro: Que son os bens públicos?

contradiscurso — Mon, 25 Feb 2013 18:03:52 +0000

Son aqueles bens que forman parte do medio natural ou humano no que nos desenvolvemos e que “normalmente” son de libre acceso a todas as persoas. O seu goce e aproveitamento por unha persoa non impide que tamén o sexa polas outras. Exemplos de bens públicos: -de orixe natural: a auga, o aire, o mar e os ríos cos seus litorais, ou mesmo o espazo radioeléctrico. -de orixe humana: a vía pública, certo tipo de vías de comunicación, o patrimonio cultural,… Por que se privatizan e atacan estes bens públicos? Historicamente os bens públicos son aqueles que: ou ben as sociedades consideraron imprescindibles e beneficiosos para todxs (como a auga); ou ben eran tecnicamente imposible privatizalos (ata fai pouco, por exemplo, non había a posibilidade de poñer “valados ao mar”). Pero, dado o “gran mercado” que son, nunca faltou quen estivese interesado en privatizar, mercantilizar e lucrarse con estes bens. Xa dende a época dos romanos está estipulado legalmente cales son concretamente os “bens públicos” e como deben ser tratados e defendidos por todos. Porén o avance do sistema capitalista e a técnica están a atacar o número e calidade dos “bens públicos” dos que podemos gozar. Elinor Ostrom, […]

The post Febreiro: Que son os bens públicos? appeared first on ECOAR))).

Xaneiro: Que son os servizos públicos?

contradiscurso — Fri, 25 Jan 2013 18:02:40 +0000

Os servizos públicos son aqueles que a organización social institúe atendendo as súas necesidades fundamentais, por exemplo, educación, sanidade, transporte, acceso á cultura, finanzas,… Un servizo público debe ser de acceso universal, igualitario, de calidade e baixo a xestión da comunidade. Para que isto sexa posible os custos do servizo deben ser asumidos polo conxunto da cidadanía solidariamente. Estes servizos dos que gozamos hoxe son froito dun proceso de loita de xeracións, que buscaron paliar as desigualdades sociais do sistema capitalista. POR QUE SE PRIVATIZAN ESTES SERVIZOS? Dende fai moito tempo os servizos públicos están a ser atacados por uns gobernos que foron virando deica posturas neoliberais cada vez máis fortes. Actualmente, vivimos unha agresiva ofensiva do capital contra o estado social. A mentira neoliberal quere facernos crer que é preciso un “estado lixeiro”: hai que privatizar, pois o “mercado” xestiona con máis eficiencia que a administracións pública. Isto é mentira, pois coa privatización os prezos estarán ligados non so ao custe do servizo, senón tamén á necesidade de xerar beneficios. Asumir aquela postura neoliberal levaranos cara a perda das conquistas sociais que supoñen os servizos públicos, coa conseguinte degradación da nosa calidade de vida. En realidade o que […]

The post Xaneiro: Que son os servizos públicos? appeared first on ECOAR))).