CALES SON AS LIÑAS DE TRABALLO DE ECOAR)))
Coherencia
- As nosas actuacións, accións e iniciativas sempre se sustentan na liña marcada polos 10 puntos ideolóxicos e uns principios de actuación consecuentes con estes.
Compromiso
- O grupo funciona porque cada persoa cumpre SEMPRE co que se compromete. Xerámonos confianza entre todxs.
Cualitativo
- Buscamos calidade non cantidade.
- Non só combatemos o sistema actual, senón que tamén buscamos saídas e alternativas.
Dignidade
- Cada ollada SEMPRE ten voz e un espazo que ocupar.
- A resposta social enténdese sempre como RESPONSABLE, EFECTIVA, PLANIFICADA, CUALITATIVA e SEN MEDO.
Ética
- Guiámonos pola integridade en cada unha das accións, situacións e circunstancias; non pola lexislación establecida.
Flexibilidade
- Cada participante achega O QUE quere, CANDO quere e COMO quere.
- É un proxecto aberto, confórmase segundo quen vai integrándose.
Independencia
- Económica
- Non aceptamos cartos nin de gobernos nin de empresas.
- Hai un límite nas achegas individuais, así evitamos que haxa “dependencia” dalgunha das partes.
- De acción
- Só nós nos representamos a nós mesmxs. Declarámonos asindicalistas, apartidistas e aconfesionalistas.
- Legal
- Legalmente non existimos.
Sumamos
- Afastámonos da “pureza”; buscamos xenerosidade nos acordos, polo que nos centramos nos puntos comúns.
- Buscamos converxencias entre persoas e colectivos con inquedanzas sociais similares.
- Se non hai consenso ECOAR))) non se move; pero si xs membros.
Transparencia
- A transparencia evita diferentes velocidades no grupo, polo que todxs imos ao mesmo ritmo seguindo uns mesmos obxectivos e unhas mesmas estratexia e filosofía.
- Evita que se produzan desconfianzas dentro e fóra do grupo.
|
