Marx Reloaded / Jason Barker

Documental que examina de que modo as ideas do filósofo e socialista alemán Karl Marx poden axudarnos a entender a crise económica e financeira global de 2008. As consecuencias da crise en Europa e en todo o mundo aínda non están claras: deberiamos aceptar a crise como un desafortunado efecto colateral do libre mercado? Ou hai outra explicación de por que ocorreu e cales son os seus posibles efectos sobre a nosa sociedade, a nosa economía e a nosa forma de vida? Interveñen no documental o  filósofo e historiador esloveno Slavoj Zizek, o filósofo francés Jacques Rancière, o pensador postmarxista italiano Toni Negri e o teórico literario e filósofo político estadounidense Michael Hardt, entre outros.