Biopiratería: unha malversación cultural en beneficio ao gran capital
Del Rosario Ignacio Denís
Rebelión
“Cando un campesiño ou campesiña pon unha semente está sementando dignidade”
José Martí
As grandes industrias multinacionais interesadas no monopolio exclusivo da semente en intentan seguir malversando de diferentes formas os saberes ancestrais coa única fin de acumular riqueza. O Tratado Internacional sobre os Recursos Fitoxénicos para a Alimentación e a Agricultura (TIRPAA) vén buscando abertamente nos seus dez anos de recoñecemento dos dereitos dos campesiños e as campesiñas para intercambiar, utilizar e vender a súa semente, sexan en paralelo ou en concordancia, o xeito de crear bases xurídicas, políticas, organizativas, científicas para o monopolio da semente. O caso do Certificado de Obtención Vexetal (COV) en Europa ou o comiso e destrución de setenta toneladas de sementes realizado polo ICA aos pequenos agricultores de arroz de Campoalegre, Huilaes en Colombia, citando só dous exemplos, son feitos que se argumentan como só uns cambios e axustes ás políticas do tratado de libre comercio TLC. No mundo existen miles de casos coma estes, cada vez máis preocupantes, que reflicten unha clara violación deste tratado internacional. Son estratexias moi evidentes das multinacionais da enxeñería xenética malversada e patentada estritamente como un fin de negocio, violando os dereitos á alimentación dos pobos.
Nesta segunda etapa da chamada “revolución verde” é clave para as transnacionais do agronegocio facer valer as patentes, controlando a semente, controlando a comida e axeonllando aos pobos do mundo. Actualmente o 82% das sementes comercializadas no mundo están patentadas e só dez empresas controlan o 77% do mercado; destas só tres, Monsanto, Dupont e Syngenta, controlan o 47% do comercio. Esta realidade concretouse desde a malversación cultural aos saberes campesiños, campesiñas e indíxenas desde a chamada biopiratería. Ningún tratado internacional puido facer fronte a esta realidade, a certificación e a comercialización hoxe é propiedade exclusiva dunhas poucas empresas; esta malversación e violación están acompañadas dunha criminalización á libre circulación das sementes campesiñas e indíxenas, cuxa semente é historicamente patrimonio dos pobos ao servizo da humanidade e non un patrimonio da biopiratería ao servizo do agronegocio.
Este ano internacional da agricultura Familiar Campesiña e Indíxena é novamente un ano decisivo para os movementos campesiños, campesiñas, indíxenas. Aínda quedan grandes ameazas que axexan este sector no mundo enteiro e a historia dinos que só globalizando as loitas e as esperanzas é posible contrarrestar posicións antagónicas á visión política, económica, social, cultural e ambiental dos campesiños e as campesiñas do mundo. Non cabe dúbida que para o agronegocio a identidade e loitas campesiñas son o seu inimigo de clase e quere extinguilas, porén sempre tivo e seguirá a ter un desafío e papel histórico de resistencia. Nesta oportunidade a semente, a madre terra, o dereito á alimentación dos pobos chaman a seguir unidos resistindo no territorio, pero é preciso ir a unha ofensiva decidida pola defensa da vida ilimitada da humanidade e pola salvación do planeta e todas as especies de vida, alzando as nosas voces contra todas as malversacións culturais que queren seguir impoñendo as transnacionais a costa da fame e a destrución do planeta.
Globalicemos as loitas!
Globalicemos as esperanzas!
A seguir sementando a nosa esencia de sabedoría, vida, semente e dignidade dos pobos e para os pobos.
Notas:
http://www.eurovia.org/spip.php?article713&lang=de
http://www.biodiversidadla.org/Portada_Principal/Recomendamos/Colombia_Las_leyes_que_privatiza
n_y_controlan_el_uso_de_las_semillas_criminalizan_las_semillas_criollas
http://www.viacampesina.org/fr/index.php/les-grands-ths-mainmenu-27/biodiversitt-resources-gtique
s-mainmenu-37/984-la-via-campesina-appelle-le-traite-international-des-semences-a-rejeter-la-biopiraterie
Del Rosario Ignacio Denís: Enxeñeiro Agroecolóxico graduado no Instituto Latinoamericano de Agroecoloxía Paulo Freire (IALA)
Twitter: @yiyoparaguay
Fonte: http://www.rebelion.org/noticia.php?id=187096
